Thembi Mtshali-Jones
Thembi Mtshali-Jones (tí wọ́n bí ní 7 Oṣù Kọkànlá, Ọdún 1949) jẹ́ òṣèrébìnrin, akọrin àti ònkọ̀tàn ọmọ orílẹ̀-èdè Gúúsù Áfríkà.[1] Ó gbajúmọ̀ fún àwọn ipa rẹ̀ nínu àwọn eré tẹlifíṣọ̀nù bíi Sgudi 'Snaysi, Stokvel, Silent Witness àti Imbewu.[2] Ó tún maá n ṣiṣẹ́ gẹ́gẹ́ bi olùkọ́ ní Global Arts Corps, èyí tí ó wà ní Kosovo.
| Thembi Mtshali-Jones | |
|---|---|
| Ọjọ́ìbí | Thembi Mtshali-Jones Oṣù Kọkànlá 7, 1949 Vrede, Free State |
| Orílẹ̀-èdè | South African |
| Iṣẹ́ | Actress, singer, playwright, teacher |
| Ìgbà iṣẹ́ | 1970–present |
| Olólùfẹ́ | Emrys Jones (1999–2016) |
| Àwọn ọmọ | Phumzile |
| Awards | Kentucky Colonel |
Ọ̀rọ̀ ayé rẹ̀ àtúnṣe
Wọ́n bí Thembi ní 7 Oṣù Kọkànlá, Ọdún 1949 ní abúlé Sabhoza nítòsí Ulundi ní ìlú Durban, orílẹ̀-èdè Gúúsù Áfríkà.[3] Kọ̀pẹ́ sí ìgbà tí wọ́n bi ni àwọn òbí rẹ̀ kọrawọn sílẹ̀.[4] Ó dàgbà ní ìlú KwaMashu níbití ó ti ní àwọn ètò-ẹ̀kọ́ rẹ̀.[5] Ó fi ilé-ìwé sílẹ̀ lẹ́hìn tí ó lóyún sínú.[6]
Ó ní ọmọ obìnrin kan tí orúkọ rẹ̀ jẹ́ Phumzile, èyí tí ó bí fún ọkọ àkọ́kọ́ rẹ̀. Orúkọ ọkọ ẹ̀kejì rẹ̀ n ṣe Emrys Jones, ẹnití ó kéré sí Thembi lọ́jọ́ orí. Àwọn méjèjì pàdé nígbà tí Emrys wá láti wo eré tí Thembi dánìkan ṣe tí àkọ́lé rẹ̀ jẹ́ A Woman in Waiting. Wọ́n gbé papọ̀ fún ọdún mẹ́tàdínlógún títí di ọjọ́ ikú Emrys ní ọdún 2016.[7]
Iṣẹ́ ìṣe rẹ̀ àtúnṣe
Thembi kópa nínu eré Welcome Msomi kan tí àkọ́lé rẹ̀ jẹ́ Umabatha. Lẹ́hìn náà ló darapọ̀ mọ́ ẹgbẹ́ akọrin kan tó sì padà di asíwájú níbẹ̀ gẹ́gẹ́ bi 'Mama Tembu'. Ó lọ sí orílẹ̀-èdè USA láti tẹ̀síwájú iṣẹ́ orin rẹ̀, níbẹ̀ ló ti pàdé àwọn gbajúgbajà akọrin mìíràn tí orúkọ wọn ń ṣe Hugh Masekela àti Miriam Makeba,[8] tí wọ́n síì dì jọ ṣe eré orin káàkiri ilẹ̀ Yúróòpù àti Áfríká fún àwọn ọdún bíi mẹ́lòó kan. Ní ọdún 1987, Thembi padà sí Gúúsù Áfríkà, ó síì darapọ̀ mọ́ ilé-ìṣeré Market Theatre. Ní ilé-ìṣeré náà ló ti ní ànfààní láti ṣiṣẹ́ pọ̀ pẹ̀lú Janice Honeyman nínu eré Black And White Follies.[9]
Láti ọdún 1970, ó ti kópa nínu ọ̀pọ̀lọpọ̀ àwọn eré orí-ìpele. Òun pẹ̀lú Gcina Mhlophe àti Maralin Vanrenen dìjọ kọ eré kan tí wọ́n sì tún kópa nínu erè náà tí àkọ́lé rẹ̀ jẹ́ Have You Seen Zandile. Ó gba àmì-ẹ̀yẹ kan níbi ayẹyẹ Edinburgh Festival Fringe fún ipa rẹ̀ nínu eré náà. Lẹ́hìn náà, ó tún fọwọ́sowọ́pọ̀ pẹ̀lúBarney Simon láti dìjọ kọ eré tí àkọ́lé rẹ̀ jẹ́ Eden and Other Places and Women of Africa.[10]
Àṣàyàn àwọn eré rẹ̀ àtúnṣe
| Ọdún | Àkọ́lé eré | Ipa | Irúfẹ̀ | Ìtọ́kasí |
|---|---|---|---|---|
| 1986 | Sgudi 'Snaysi | Thoko | TV series | |
| 1988 | Mapantsula | Pat | Film | |
| 2002 | Stokvel | Hazel | TV series | |
| 2003 | The Wooden Camera | Madiba's Mother | Film | |
| 2004 | In My Country | Lizzie | Film | |
| 2004 | Cape of Good Hope | Ms. Silemeni | Film | |
| 2010 | Silent Witness | Zali Silongo | TV series | |
| 2010 | Themba | Sister Princess | Film | |
| 2011 | Buschpiloten küsst man nicht | N'Nanga | TV movie | |
| 2012 | Copposites | Constance Ralapele | Film | |
| 2013 | Weit hinter dem Horizont | Desi | TV movie | |
| 2014 | Konfetti | Lerato Cwele | Film | |
| 2015 | While You Weren't Looking | Shado's Gogo | Film | |
| 2015 | Bleeding Gospel | Theresa | Short film | |
| 2018 | Imbewu | MaNdlovu Bhengu | TV series | |
| 2019 | Mother to Mother | Mother | Film |
Àwọn ìtọ́kasí àtúnṣe
- ↑ "Karavan Press title: a biography of Thembi Mtshali-Jones – THEATRE ROAD: MY STORY as told to Sindiwe Magona". Karavan Press. Retrieved 17 October 2020.
- ↑ "Veteren actress Thembi Mtshali-Jones on the pain of losing her husband: "I miss him so much"". news24. Retrieved 17 October 2020.
- ↑ "Karavan Press title: a biography of Thembi Mtshali-Jones – THEATRE ROAD: MY STORY as told to Sindiwe Magona". Karavan Press. Retrieved 17 October 2020.
- ↑ "Veteren actress Thembi Mtshali-Jones on the pain of losing her husband: "I miss him so much"". news24. Retrieved 17 October 2020.
- ↑ "Thembi Mtshali-Jones: Associate Teaching Artist, South Africa". Global Arts Corps. Retrieved 17 October 2020.
- ↑ "Thembi Mtshali biography". Global Arts Corps. Retrieved 17 October 2020.
- ↑ "Veteren actress Thembi Mtshali-Jones on the pain of losing her husband: "I miss him so much"". news24. Retrieved 17 October 2020.
- ↑ "Karavan Press title: a biography of Thembi Mtshali-Jones – THEATRE ROAD: MY STORY as told to Sindiwe Magona". Karavan Press. Retrieved 17 October 2020.
- ↑ "Thembi Mtshali-Jones: Associate Teaching Artist, South Africa". Global Arts Corps. Retrieved 17 October 2020.
- ↑ "Karavan Press title: a biography of Thembi Mtshali-Jones – THEATRE ROAD: MY STORY as told to Sindiwe Magona". Karavan Press. Retrieved 17 October 2020.