Ìlú Òbè-nlá: Ìyàtọ̀ láàrin àwọn àtúnyẹ̀wò
New page: ==ÌTÀN ÌSÈDÁLÈ ÌLÚ ÒBÈ-NLÁ== Olúbákin ni orúko eni àkókó tí ó je Olúbo ní òde Ugbo. Ìtàn so pé àtomodómo Sèpèl... |
(Kò ní yàtọ̀)
|
Àtúnyẹ̀wò ní 12:47, 15 Oṣù Kejì 2008
ÌTÀN ÌSÈDÁLÈ ÌLÚ ÒBÈ-NLÁ
Olúbákin ni orúko eni àkókó tí ó je Olúbo ní òde Ugbo. Ìtàn so pé àtomodómo Sèpèlúwà tí ó jé Awùjalè ìkejìdínlógún ti ilè Ìjèbú ni Olúbákin jé. Olúbákin àti àbúrò rè tí wón jo jé omo bàbá ni wón jo dunpò Awùjalè ìketàdínlógójì ti ilè Ìjèbú léyìn tí Oba Morógbèsò, Awùjalè ìkejìlélogojì. Òródùdùjoyè ni orùko àbúrò olúbákin tí wón jo du oyè náà. Yorùbá bò, wón ní, “Ohun gbogbo lówó orí, orí la fi n mú eran láwo” Òródùdùjoyè tí ó jé àbúro ni àwon afobaje yàn dípò Olúbákin tí ó jé ègbón gégé bí i Àwùjalè tuntun ti ilè Ìjèbú. Bí àbúrò Olúbákin se gun orí oyè kò sàìdá hóùhóù àti yànponyánrin sílè láàárin àwon méjèèjì.
Olúbákin gbé egbé omo ogun olòtè dìde sí àbúrò rè pèlú èrò àti gba ìjoba padà sówó araarè gégé bí eni ti oyè náà tó sí. Àsèyìnwá-àsèyìnbò, ìsebo-ìsoògùn, bí a ti lá á rì í láyé. Àwon omo ogun olote tí Olúbákin gbé díde kò lè ségun ti àbúrò rè Òródùdùjoyè. Látàrí èyí, ó pinnu láti fi ìlú sílè fún àbúrò rè. Kàkà kí kìnnìún se akápò ekùn kálukú á máa dóde se.
Gbogbo ìsapá àti akitiyan Òródùdùjoyè láti tu ègbón rè lójú já sí pàbó léyìn tí ó rò pé ó sàn kí wón yanjú òràn náà ní ìtùnbí-ìnùbí. Ibùdó àkókó tí Olùbákin tèdó sí léyìn tí ó kúrò ní Ìjèbú ni wón n pè ní Èhì títí di òní yìí. Léyìn tí ó kúrò níbè, ó forí lé ìha ìlà-oòrùn Ugbò, ó sì tèdó sí ibi tí wón n pè ní ode-Sèpèlúwà léyìn ìgbà tí wón tèdó tán. Ògangan ibí yìí ni òkan lára àwon omo Olúbákin ti a mò sì Òrótó ti papòdà. Ó seni láàánú pé Òròtò kò bí omo kankan sáyé kí ó tó re ibi àgbà n rè. Nítorí náà bàbá rè pinnu láti yí orúko òde-sèpèlúwa padà sí ti omo rè ti ó kú síbè. Láti ìgbà náà wà ni wón ti n pe ibè ní Òde-Òrótò títí o fi di òní yìí.
Olúmòdàn tí òun náà jé omo Olúbákín ni ó salábápàdé omobìnrin kan létí òkun níbi tí wón ti lo máa n se ohun kan tí wón n pè ní ‘ìpé’ lóko. Ìsèlè yìí gan-an ni ó padà wá yorí sí bí Olúbákin àti Òrónmàkin se gbà láti jo máa se ìjoba pò ní Ugbo níbi tí Oranmàkin ti wà sáájú kí Olúbákin tó dé sí àgbègbè náà, gégé bí Olájà Ugbò. Ó jé ìyàlénu fún Olúmòdàn omo Olúbákin pé àwon kan tún wà ní tosí, tí àwon tí ó wà ní Òde-Òrótò kò mò nípa won télè. Ojàludé ni orúko omobìnrin ti Olúmòdàn bá pàdé n jé. Omo Olúgbò tí a pè ní Òrónmakin léèkan ni. Àwon méjèèjì bèrè sí yan ara àwon lórèé sùgbón kò sí omo láti inú ìbásepò won jálè gbogbo odún tí àwon méjèèjì fi wà lórí erùpè. Ìbásepò Olúmodàn àti Ojàludé ni ó mú àjosepo tí ó wà láàárín Olúbákín àti Òrónmakin wáyé. Wón kó ijoba pò, nitori pé kò fi béè sí èrò púpò ní àgbègbè náà nígbà yen. Nígbà tí Olúbákin je Olubo ní Òde Ugbò, àwon omo rè kan àti lára àwon tí ó tèlé e wá láti Èhin kò kúrò ní Òde-Òrótò. Léyìn ikú Olúbákin, Olúmòdàn omo rè ni ó je Olúbo tèlé e. Òpòlopò odún kojá léyìn náà, òkan lára àwon àtomodómo Olúbákin tí wón wà ní Òrótò pinnu láti wásé eja pípa síwájú ìhà-ila-oòrùn òde-òrótò ìgbàyen, látàrí àkíyèsí rè pé àwon eye nlá-nlá máa ti apá ìhà ibè yen wá. Á ní láti jé pé omi nlá kan wà lápá ibè ti eja pò sí, nítorí àwon eye máa n dode eja ní irú àgbègbè béè. Akíkanjú okùnrin ni kúlájolú jé. Ó kó àwon kan móra wón sì bè rè ìrìn-àjò si apá ìlà-oòrún òde-òrótò. Nígbèyìn wón sàwárí omi náà tí ó kún fún ògìdigbo eja nlánlá. ‘Agbárà’ tàbí ‘orà’ nlá ti àwon eja wo sí yìí ni wón n pè ni “ebe” láàárín àwon Ìlàje ìgbà yen. Kúlájolú tèdó sí ibi tuntun yìí ti wón fi ìrísí so lórúko. Láti inú ‘ebè-nlá’ ni Òbè-nlá ti súyo léyìn òpòlopò odún.
Bí ibùdó àwon àtomodómo Olúbákin ti n gbòrègèjigè sí i, wón yàn láti fi òpin sí ìjoba alájùmòse tí Olùbákin dá sílè pèlú Olúgbo, wón kórajo sí Òbe-nlá, wón sì so ibè di ibùdo Olúbo gégé bí i oba aládé.
Iwe ti a yewo
ÀGBÉYÈWÒ ORÍKÌ OLÚBO ÒBÈ-NLÁ NÍ ILÈ ÌLÀJE