Ìwúre Fún Aláboyún

Ìwúre fún aláboyún ni àwọn ìwúre tí a máa ń wú fún obìnrin tó bá ní oyún. Àwọn Yorùbá gbàgbọ́ pé ipò ẹlẹgẹ́ ni ipò ìlóyún, torí náà sì ni wọ́n máa ń ṣe ìtọ́jú tó yàtọ̀ fún wọn. Bẹ́ẹ̀ sì ni wọ́n mọ̀ pé oríṣiríṣi ibi ni ó lè máa wá sí ojú ọ̀nà wọn, ìdí nìyí tí wọ́n fi máa ń ṣe ìwúre fún aláboyún.

Ìwúre aláboyún

Ẹsẹ̀ yóo tẹ́lẹ̀ láyọ̀ o,

A ó gbóhùn lyá;

A ó gbóhùn ọmọ;

Àsọ̀kalẹ̀ àlàáfià.

Ewé ki í bọ́ lára igi kó nigi lára,

Wẹ́rẹ́ ni a ó gbọ́ ó.

A kì gbẹ́bí ewúré,

A kì í gbẹ̀bí eku,

A kì í gbẹ̀bí ẹyẹ,

A kò ní gbẹ̀bí rẹ̀.

Ẹ̀kún rẹ́rẹ́ ni à ń bá omi òkun,

Ẹ̀kún rẹ́rẹ́ ni à ń bá omi ọ̀sà;

Ẹ̀kún rẹ́rẹ́ ni a ó máa ba oyún náà;

Títí ọjọ́ yóò fi pé.

Àfọ̀n yóo gbó kí ó tó wọ̀

Bí àfọ̀n kò bá gbó kì í wọ̀,

Omi kò ní í pọ̀ ju omi,

Ẹ̀jẹ̀ kò ní í pọ̀ ju ẹ̀jẹ̀.

A ó gbọ́ ohùn ìyá,

A ó sì gbọ́ t'ọmọ.

Èdùmàre kò ní fi ọjọ́ ìkúnlẹ̀ dá ọ lẹ́jọ́,

Ewé abíwẹ́rẹ́ ni o ó jàá lọ́jọ́ ìkúnlẹ̀.

Lágbárá àwọn iya tó sẹ̀ wá sílẹ̀,

Tiwa ò ni sòro ó o se.

Àṣẹ.