Ìwúre Níbi Ilé Ṣíṣí

ÌWÚRE NÍBI ILÉ ṢÍṢÍ

llé yìí yóò tú ọ́ lára,

Ire ni yóò máa bá ọ gbé inú ilé náà.

Kí ikú rí ilé yií sá,

Kí àrùn rí ilé yií sá

Kí òfò rí ilé yií sá,

Ki ẹ̀gbà gbe ìgbẹ́ wo àwọn tí ń gbé inú ilé yìí.

Ẹni lóyún sínú, á bí tibi tire,

Àgàn á tọwọ́ àlà bosùn;

Ire owó, ire ọmọ, ire àlàáfíà,

Ni yóó máa ba yín gbé ilé yìí.

Àgbàrá kì í fo kòtò,

Ire tí àwọn tí yóo máa gbé inú ilé yií ń fẹ́, kò ní fò wọ́n

Ẹ ò ní rùkú wọlé yìí,

Ẹ ò ní rùkú jáde;

Ẹ ò ní róhun gbé sọnù bí kò ṣe ibi ọmọ.

Ẹnìkan kì í dálé kọ́,

Ọlọ́run náà ní í kọ́ ọ fún ni;

Ọlọ́run tí ó kọ ilé náà fún ọ,

Kò ní ṣẹ̀rù bà ọ́ níbẹ̀.

Àṣẹ.