Adájọ́

Adájọ́ ni ẹni tí ó ń gbọ́ ẹjọ́ àwọn olùpẹ̀jọ́ yálà gẹ́gẹ́ bí adájọ́ kan ṣoṣo tàbí akójọ àwọn adájọ́ láti ẹnu àwọn agbẹjọ́rò tí wọ́n bá dúró fún nílé ẹjọ́. Adájọ́ ni yóò gbọ́ atótónu awọn agbẹjọ́rò tabi awọn olùpẹ̀jọ́ tí ó fi mọ́ ẹjọ́ lẹ́nu àwọn ẹlẹ́rìí tàbí ẹ̀rí, yóò ṣe ọ̀rínkiniwín àgbéyẹ̀wò sí ẹjọ́ àti agbékalẹ̀ wọn lẹ́nu àwọn agbẹjọ́rò tí ó fi mọ́ àwọn ẹ̀rí máajẹ́mi nìṣó.Adájọ́ yóò wá dá ẹjọ́ gẹ́gẹ́ bí ohun tí òfin orílẹ̀-èdè tí wọ́n ti fẹ́ dájọ́ bá la kalẹ̀ fún irúfẹ́ ẹjọ́ bẹ́ẹ̀ àti ìmọ̀ rẹ̀ gẹ́gẹ́ bí adájọ́. Ilé-ẹjọ́ tí gbogbo ènìyàn mọ̀ ni adájọ́ gbọ́dọ̀ ti gbọ́ ẹjọ́ tàbí da ẹjọ́, kìí ṣe inú kọ̀rọ̀ kan. Agbára, iṣẹ́, ìyànsípò àti ìgbẹ̀kọ́ àwọn adájọ́ ni ó yàtọ̀ sírawọn jákè-jádò agbáyé. Láwọn orílẹ̀-èdè kan, àwọn ọ̀gọ̀ọ̀rọ̀ adájọ́ tí wọ́n jọ ń gbọ́ ẹjọ́ kan náà lè jọ wà ní abẹ́ àṣẹ agbára kan náà. Lásìkò míràn tí wọ́n bá ń ṣe Igbóẹ́jọ́ ìwà ọ̀daràn, adájọ́ lè ṣisẹ́ gẹ́gẹ́ oníwádí ẹ̀rí nílé ẹjọ́. Àmọ́ ṣá, bí adájọ́ yóò bá gbọ́ ẹjọ́, ó ní láti ri wípé ilé-ẹjọ́ wà ní ìdákẹ́-rọ́rọ́ ní ìbámu pẹ̀lú òfin ṣáájú kí Igbóẹ́jọ́ tàbí Ìdájọ́ tó wáyé.

ICJ-CJI_hearing_1.jpg Judges at the International Court of Justice