Cavafy Museum

Cavafy Museum jẹ́ musíọ́mù kan ní Alexandria, orílẹ̀ èdè Egypt, inú ilé tí musíọ́mù yìí sì wà jẹ́ ilé tí ó jẹ́ ibùgbé akéwì Griki kan, Constantine P. Cavafy nígbà ayé rẹ̀.

Ẹnu ọ̀nà ilé Contantine P. Cavafy's, Egypt, ibi tí ó ti wá di Cavafy Museum.

Ibi tí ó wà

Ilé náà wà ní Alexandria Opera House (Fouad St.), ní Attarin division, Alexandria. Orúkọ òpópónà tí ilé náà wà ni Lepsius nígbà tí Cavafy sì wà láyé; wọ́n padà yí orúkọ rẹ̀ padà sí Sharm El Sheikh, lẹyìn ìgbà tí wọ́n sí musíọ́mù náà, wọ́n tún yí orúkọ òpópónà tí ó wà sí Cavafy Street, ó sì sún mọ́ òpópónà méjì tí ó ṣe pàtàkì jù ní ìlú náà, Fouad St. àti Safiya Zaghloul St.

Àwọn ohùn tí ó wà nínú ibẹ̀

Àwọn ohun tí ó wà níbẹ̀ ni àwọn lẹ́tà, àkọọ́lẹ̀ àti ewì tí Cavafy kọ. Àwọn àwòrán àti fọ́tò Cavafy àti àwọn ọ̀rẹ́ rẹ̀ tún wà níbẹ̀, musíọ́mù náà tún jẹ́ ilé fún ọ̀pọ̀lọpọ̀ ìwé àtijọ́.