Ebun Oni

Professor Ebun Oni (tí a bí ní ọjọ́ 21 oṣù karùn-ún, ọdún 1935 -tí ó sì di olóògbé ní ọjọ́ 2 oṣù kejìlá, ọdún 2021) ni a mọ̀ sí Ebun Adegbohungbe nígbà ayé rẹ̀, tí ó wá padà di Ebun Adefunmilyo Oni (orúkọ ọkọ rẹ̀). Ó jé onímọ̀ sáyẹ́ǹsì tó ń fi ohun àfojúrí fi kẹ́kọ̀ọ́ nípa ayé , ọmọ orílẹ̀-èdè Nàìjíríà ni, ó jẹ́ olùkọ́ ní yunifásitì àti òǹkọ̀wé. Ó tún jẹ́ ọ̀kan lára àwọn ọmọ Nàìjíríà tó kọ́kọ́ di onímọ̀ sáyẹ́ǹsì àkọ́kọ́, o sì di ìlú-mọ̀-ọ́n-ká látàri ọ̀pọ̀lọpọ̀ ìwé àtẹ̀jáde rẹ̀. Olùkọ́ ni Yunifásítì ìlú Ìbàdàn ni.

Ètò ẹ̀kọ́ rẹ̀

Adegbohungbe jẹ́ akẹ́kọ̀ọ́ ti ilé-ìwé Methodist Girls High School, Yaba, Lagos kí ó tó lọ kẹ́kọ̀ọ́ gboyè nínú ìmọ̀ Physics ní University College of Ghana ní ọdún 1961. Iṣẹ́ àkọ́kọ́ tó yàn láàyò ni iṣẹ́ ìmọ̀-ẹ̀rọ̀, kọ́dà ní ọdún 1967 ó sọ pé òun ni lọ́kàn láti jẹ́ obìnrin àkọ́kọ́ tó máa kọ́ nípa ìmọ̀-ẹ̀rọ, àmọ́ ìjọba kọ̀ jálẹ̀ láti fún òun ní àǹfààní ìwé ọ̀fẹ́ torí ó jẹ́ obìnrin, nítorí náà wọ́n gbà á níyànjú láti kọ ẹ̀kọ́ nípa physics.

Adegbohungbe gba ìwé-ẹ̀kọ́ ọ̀fẹ́ ti ìjọba fún ìtẹ̀síwájú nínú ẹ̀kọ́ rè, nínú geophysics ní Imperial College, London. Ó gboyè MSc ní ọdún 1963, ọdún kan náà ni ó dara pọ̀ mọ́ àwọn òṣìṣẹ́ ẹ̀ka-ẹ̀kọ́ Physics ní University of Ife, Nàìjíríà.