Folakemi Titilayo Odedina

Folakemi Titilayo Odedina(èni tí wọ́n bí ní ọjọ́ kọkànlélógún, osù kín-ín-ní, ọdún 1965), jẹ́ onímọ̀ sáyẹ́ǹsì orílẹ̀-èdè Nàìjíríà àti olùkọ́ àgbà ní ilé-ẹ̀kọ́ gíga ti ilẹ̀ Florida(University of Florida). Ó jẹ́ gbòógì atọpinpin fún "the Prostate Cancer Translantic Consortium(CaPTC)."^[1] Ó tún jẹ́ ọmọ-ẹgbẹ́ "America Cancer Society's National Prostate Cancer Disparities Advisory Team."^[2]

Ìmọ̀ ẹ̀kọ́ rẹ̀.

Folakemi, ní 1986, kẹ́kọ̀ọ́ jáde gboyè ìmọ̀ ìsègùn òyìnbó, èyiun "Pharmacy" ní fásitì ti Obafemi Awolowo(OAU), èyí tí ó fìgbàkanrí jẹ́ "University of Ife". Ní ọdún 1990, ẹ̀wẹ̀, ó bẹ̀rẹ̀ síwájú sí i láti lọ fi ìmọ̀ kún ìmọ̀ lórí i ẹ̀kọ́ ìmọ̀ òyìnbó kan náà ni fásitì ti 'Florida', èyiun "University of Florida". Ó parí èyí ní ọdún 1994. Àkọ́lé iṣẹ́-ìwádìí kíkọ lórí àbájáde ẹ̀kọ́ èyiun 'Ph.D. thesis' ti Folakemi kọ ni "Implementation of Pharmaceutical Care in Community Practice: Development of a Theoretical Framework for Implementation". Lẹ́yìn àbájáde ẹ̀kọ́ gíga 'Ph.D.' rẹ̀, ó ṣiṣẹ́ gẹ́gẹ́ bíi olùrànlọ́wọ́ fún olùkọ́ àgbà ní fásitì ti West Virginia (West Virginia University).

Ìgbé ayé rẹ̀.

A bí Folakemi Titilayo Odedina sí inú ìdílé Ezekiel Shotayo Badejogbin àti Grace Modupe Badejogbin sí ìlú Abéòkúta ní ìpínlẹ̀ Ògùn, Nàìjíríà, èyiun lọ́jọ́ kọkànlélógún osù kín-ín-ní, ọdún 1965. Ní ìgbà èwe rẹ̀, ó gbé ní ìlú Èkó, ó sì lọ sílé ẹ̀kọ́ alákọ̀ọ́bẹ̀rẹ̀ àti ti girama "Apostolic Church Primary School" àti "Methodist Girls High School, Lagos", ní síṣẹ̀-n-tẹ̀lé.

Àmì-ẹ̀yẹ àti Ìdánimọ̀

Folakemi Titilayo Odedina ti gba àmì-ẹ̀yẹ̀ onírúurú fún ìdájọsí rẹ̀ sí sáyẹ́ǹsì àti ètò-ìlera. Ní ọdún 2009, ọ̀kan lára àmì-ẹ̀yẹ tí ẹgbẹ́ ẹ "American Society of Health Systems Pharmacy" àti "Association of Black Health-Systems Pharmacists" fi dá a lọ́lá ni "Leadership Award for Health Disparities". Àwọn mìíràn tún ni "Inspiring Women in STEM Award 2016" láti ọwọ́ ọ "INSIGHT Into Diversity", "Living Legend Award" láti ọwọ́ ọ" Clinical Trial Summit" ní ọdún 2017; ẹ̀wẹ̀, àmì-ẹ̀yẹ "William Award for Innovation in Cancer Care", láti ọwọ́ ọ" African Organization for Research and Training in Cancer" ní ọdún 2017.

Àwọn ìtọ́kasí

↑ Institute, National Cancer. "Prostate Cancer Transatlantic Consortium (CaPTC) | EGRP/DCCPS/NCI/NIH". epi.grants.cancer.gov. National Cancer Institute. Retrieved 2 February 2021.
↑ College of Pharmacy, University of Florida. "Dr. Folakemi Odedina appointed to American Cancer Society and Nigerian University System research groups » College of Pharmacy » University of Florida" (in Èdè Gẹ̀ẹ́sì). University of Florida Health Science Center. Retrieved 2 February 2021.

[1] Institute, National Cancer. "Prostate Cancer Transatlantic Consortium (CaPTC) | EGRP/DCCPS/NCI/NIH". epi.grants.cancer.gov. National Cancer Institute. Retrieved 2 February 2021.

[2] College of Pharmacy, University of Florida. "Dr. Folakemi Odedina appointed to American Cancer Society and Nigerian University System research groups » College of Pharmacy » University of Florida" (in Èdè Gẹ̀ẹ́sì). University of Florida Health Science Center. Retrieved 2 February 2021.

[1]

[2]