Margaret Legum

Margaret Jean Roberts Legum (tí wọ́n bí ní ọjọ́ kẹjọ oṣù kẹwàá ọdún 1933, sí ìlú Pretoria, South Africa, tí ó sì ṣaláìsí ní ọjọ́ kìíní oṣù kọkànlá ọdún 2007, sí ìlú Cape Town, South Africa) fìgbà kan jẹ́ ajàfétọ̀ọ́ ẹlẹ́yàmẹyà ti orílẹ̀-èdè South African àti a-tún-àwùjọ-ṣe, tí iṣé rẹ̀ dá lórí ìmọ̀ ìṣòwò.

Legum lọ sí Rhodes University àti Newnham College, níbi tí ó ti kẹ́kọ̀ọ́ nípa ìmọ̀ ìṣòwò. Orúkọ ọkọ Legum ni Colin Legum, wọ́n sì fé ara wọn ni ọdún 1960, tí wọ́n sì kó lọ sí ìlú London.

Margaret Legum kú ní ọdún 2007, ní ọmọdún mẹ́rìnléláàádọ́rin (74), látàrí àrùn jẹjẹrẹ. Ó ní àwọn ọmọbìnrin mẹ́ta àti ọ̀pọ̀ ọmọ-ọmọ.

Iṣẹ́ rẹ̀

Legum ni olùdásílẹ̀ South African New Economics Network. Ìwẹ́ rẹ̀, ìyẹn, It Doesn't Have To Be Like This: Global Economics - A New Way Forward (2003), jẹ́ èyí tó kọ látàrí àwọn ìdánilẹ́kọ̀ọ́ rẹ̀ ní University of Cape Town.

Ó gbajúmọ̀ fún ìwé tí ó kọ ní ọdún 1963, tó dá lórí pàtàkì ìjẹniníyà ajẹmówò tó ń bá South Africa jìjà kadì. Àkọ́lé rẹ̀ ni South Africa: Crisis for the West, tí ó kọ pẹ̀lú ọkọ rẹ̀, Colin.