Oríkì orúkọ àmútọ̀runwá

Orúkọ àmútọ̀runwá jẹ́ orúkọ kan tí ọmọnìyán gbé láti ọ̀run wá sí ilé ayé. Lára ọ̀nà tí àwọn Yorùbá máa gbà fún àwọn ọmọ báwọ̀nyí lórúkọ ni ọ̀nà ìyanu tí wọ́n gbà wá sí ilé ayé.

Ìbejì

Èjiré, ọ̀kín ará ìṣokùn,

ọba ọmọ,

yíndín Yíndín l'ójú orogún,

èji wọ̀rọ̀ lójú ìyá,

ọ̀kan n bá bí,

èjì ló wọlé tọ̀ mí wá.

èjì n bá bí ǹ bá yọ̀,

ọmọ kó ilé aláàṣẹ̀

ó sọ alákisà di onígbá áṣọ

èjìrẹ́ ọ̀kín ọmọ ẹdun n ṣ'eré orí igi.

Ìdòwú

Ìdòwú Ògbo.

ogbó aṣọ̀gẹ̀dẹ̀ jìà.

ẹ̀sà okùn,

Mọ̀gánná aró, abìkere létí

Èṣù lẹ́yìn ìbeji,

Ìdòwú ẹrú ibeji, ẹ̀kẹta ọmọ.

Ìgè

Ìgè Àdùbí,

a gbó lẹ́nu bí agogo,

ọmọ onígba irawọ̀.

bí ìyá le kú, kó kú,

bí baba le lọ, kó máa lọ ó

Elégédé ń bẹ l'óko

gbọ̀rọ̀ ń bẹ láàtàn,

ohun Ìgè Àdùbí ó jẹ, kò ni wọ́n ọn

Ìge kò rọ́jú iya,

ojú baba ló rọ́,

Ìgè ì bá rojú ìyá

kì bá kẹ́sẹ̀ síta,

ẹni bẹ Ìgè Àdùbi níṣẹ́,

ara rẹ̀ ló bẹ̀.

Òjó

Òjó jèngbètièlè

Òjó ò sí nílé, ọmọ adìẹ dàgbà

Òjó tàjò dé, ọmọ adìẹ kù fénfẹ́

Òjó a jó bí ewé

Òjó tí n wẹ̀ lódò, tọ́mọge ń nawọ́ ọṣẹ.

Àjàyí

Àjàyí Ògídíolú,

Òlóló, oníkànga àjípọn

Òbomi Òṣùùrù wẹdà.

Ẹkùn baba ọdẹ,

Ẹkùn pakọ̀rọ̀ wọlẹ̀.

Ẹni Ajayí gbà, gbà, gbà,

tí o le gbà tán, igúnnugún ni í gba olúwarẹ̀.