Orin Ìdárayá

Orin Ìdárayá jẹ́ orin kan tí àwọn Yorùbá máa ń kọ́ ọmọdé nígbà èwe, orin yìí a máa kún fún ọgbọ́n, òye, ìkìlọ̀, ìmọ̀ràn, ẹ̀kọ́, ìwà ọmọlúwàbí, abbl. Àwọn ọmọdé a máa kó ara jọ láti kọ orin yìí nígbà tí ọwọ́ wọn bá dilẹ̀. Ẹ jẹ́ kí á wo díẹ̀ nínú àwọn orin tí àwọn ọmọdé sáábà má ń ṣe àmúlò.

Orin ọmọdé kan

ọmọ kékeré kan

ń kọjá lọ́jà

ó ń wọ̀tún wòsì

bí ẹni máa fò

ẹnìkan béèrè pé

kí ló ń ṣe ọ́

tó ń wọ̀tún wòsì

bí ẹni máa fò

ẹ jẹ́ ká jọ ṣe eré

eré ayọ̀, eré ire

eré ayọ̀, ráí títì ráí ráí ràì.

Orin oge ṣíṣe

Ma jí ma wẹ̀ ma ṣoge

má jí ma wẹ̀ ma ṣoge

Àwẹ̀ró, èmi Akáwẹ̀ró ma wẹ̀tán

ọmọkùnrin ò leè lọ o

má jí ma wẹ̀ ma ṣoge.

Orin tó fi ìwà ọmọlúàbí hàn

ṣe mí l'ọ́mọ rere bí Sámúẹ́lì

ọmọ tó ń gbọ́ràn

tó ní ìtẹríba

ọmọ tí kì í bá òbí rẹ̀ jiyàn

ni kí O ṣemi Olúwa

ìwọ ńkọ́?

Ìyá ni wúrà iyebíye

tí a kò le f'owó rà

ó lóyún mi fún oṣù mẹ́sàn-án

ó pọ̀n mí f'ọ́dún mẹ́ta

ìyá ni wúrà iyebíye

tí a kò le f'owó rà.