Ẹgbẹ́ Awakọ̀ ojú pópó (NURTW)

Ẹgbẹ́ Awakọ̀ ojú pópó (NURTW) jẹ́ àgbáríjọ ẹgbẹ́ gbogbo ọlọ́kọ̀-èrò tó dá dúró lábẹ́ ẹgbẹ́ Oníṣe ọwọ́ nilẹ̀ Nàìjíríà. Ẹgbẹ́ yí wà fún láti mú ìṣọ̀kan àti ìfọwọ́sowọ́pọ̀ láàrín àwọn ọlọ́kọ̀-èrò ojú pópó, gẹ́gẹ́ bí àlàkalẹ̀ inú òfin wọn.

Ìṣàkóso ẹgbẹ́ wọn

Ẹgbẹ́ yí ní àwọn adarí tí wọ́n jẹ́ ti àpapọ̀, bẹ́ẹ̀ sì ni wọ́n ní ẹsẹ̀ kùkú (ìpínlẹ̀ sí ìpínlẹ̀). Ààrẹ àti adarí wọn lórílẹ̀-èdè Nàìjíríà ni Alhaji Tajudeen Baruwa,nígbà tí wọ́n ní àwọn adarí ní ìpínlẹ̀ kọ̀ọ̀kan. Ẹni tí ó jẹ́ adarí ti ìpínlẹ̀ Èkó jẹ́ Musiliu Ayinde Akinsanya tí gbogbo ènìyàn mọ̀ sí MC Oluomo. Ṣíṣàkóso ẹgbẹ́ yí ni Akọ̀wé àgbà àpapọ̀ ẹgbẹ́ yí ma ń ṣàtìlẹyìn tí ó sì ń gbẹnusọ láàrín àwọn ọmọ ẹgbẹ́ àti Ìgbìmọ̀ ẹgbẹ́ kí ètò ìṣèjọba tó lọ́ọ̀rìn ó lè wà láàrín wọn.

Ọ̀na ìpawó sele wọn

Ẹgbẹ́ yí ma ń pawó wọlẹ́ sínú àpò ẹgbẹ́ wọn látara ọrẹ àtinúwá ọmọ ẹgbẹ́, nípa gb yiiiiiii gbígba owó ìgbà ní-wọlé ọmọ ẹ̀gbẹ́ àti bẹ́ẹ̀ bẹ́ẹ̀ lọ. Owó tí wọ́n bá pa nínú ẹgbẹ́ ni wọ́n fi ń ṣe ètò ìróni lágbára, ìlanilọ́yẹ̀ lórí ètò abo ojú-pópó àti ọ̀nà ìbá olùbárà dòwò pọ̀.

Ojúṣe Ẹgbẹ́ sí àwọn ọmọ ẹgbẹ́

Lára pàtàkì ojúṣe ẹgbẹ́ ni kí wọ́n dáàbòbò ẹ̀tọ́ ọmọ ẹgbẹ́ kọ̀ọ̀kan níbí kíbi.

Rúkè-rúdò inú ẹgbẹ́ y í

Wọ́n mọ ẹgbẹ́ awakọ̀ ní orílẹ̀-èdè Nàìjíríà mọ́ jàgídí jàgan nítorí ìjẹ gàba àti àwọn Àkàní mìíràn bíi: jẹgúdú jẹrá, ìlọ́nilọ́wọ́ gbà, àti ojú ìsájú. Gbogbo ìwọ̀nyí ni ẹni tí ó jẹ́ oníròyìn ọmọ ilẹ̀ American-British Louis Theroux ṣàfihàn rẹ̀ nínú 2010 documentary film.