Aïcha Boro
Chloé Aïcha Boro Letterier (tí wọ́n bí ní 24 Oṣù Kaàrún Ọdún 1978) jẹ́ olùdarí eré àti ònkọ̀tàn ọmọ orílẹ̀-èdè Bùrkínà Fasò.
| Aïcha Boro | |
|---|---|
| Ọjọ́ìbí | 24 Oṣù Kàrún 1978 |
| Orílẹ̀-èdè | Burkinabé |
| Orúkọ míràn | Chloé Aïcha Boro Letterier |
| Iṣẹ́ | Film director, screenwriter |
| Ìgbà iṣẹ́ | 2006-present |
.jpg)
Ìsẹ̀mí rẹ̀
àtúnṣeBoro dàgbà ní ìlú Ouagadougou nítòsí Balolé quarry.[1] Ó kẹ́kọ̀ọ́ ìmọ̀ nípa àwọn àkọsílẹ̀ ti ìgbàlódé, ó sì lépa ṣíṣe iṣẹ́ agbéròyìn.[2] Ó ti kọ àwọn àyọkà fún àwọn ilé-iṣẹ́ oníròyìn bíi "La Voix du Sahel" àti "Le Marabout", ó sì se àtẹ̀jáde àkọ́kọ́ ìwé-ìtàn rẹ̀ tí àkọ́lé rẹ̀ jẹ́ Paroles orpheline ní ọdún 2006. Ìwé náà gba àmì-ẹ̀ye Naji Naaman ní ìlú Lẹ́bánọ́n. Boro padà gbájúmọ́ ṣíṣe iṣẹ́ fíìmù, tó sì ṣe igbákejì adarí àti atọ́kùn ètò tẹlifíṣọ̀nù kan tí wọ́n pè ní Koodo, èyítí ó gba àmì-ẹ̀yẹ ti Galian ní ọdún 2006. Ó tún ṣe atọ́kùn ètò rédíò kan fún ìkànnì Radio Gambidi. Ní ọdún 2010, Boro kó lọ sí orílẹ̀-èdè Fráǹsì.[3]
Ní ọdún 2012, ó darí fíìmù fún ìgbà àkọ́kọ́ rẹ̀ pẹ̀lú dídarí fíìmù tí àkọ́lé rẹ̀ jẹ́ Sur les traces de Salimata . Boro tún sẹ àkọ́kọ́ fíìmù gígún oníìrírí-ayé tí àkọ́lé rẹ̀ jẹ́ Farafin Ko ní ọdún 2014. Ní ọdún 2017, ó ṣe adarí eré France-Aurevoir, le nouveau commerce triangulaire . Eré náà gba àmì-ẹ̀yẹ gẹ́gẹ́ bi fíìmù ìrírí-ayé tí ó tayọ jùlọ níbi ayẹyẹ Festival international de cinéma Vues d’Afrique, èyí tí ó wáyé ní ìlú Montreal. Ní ọdún 2018, Boro kọ ìwé-ìtàn kan tí àkọ́lé rẹ̀ jẹ́ Notre Djihad intérieur, èyítí ó n sọ ìtàn nípa ẹnìkan tí ó padà sí abúlé rẹ̀ tí ó wà ní ilẹ́ Áfríkà láti orílẹ̀-èdè Fráǹsì.[4] Boro ṣe adarí eré ìrírí-ayé tí àkọ́lé rẹ̀ jẹ́ Le Loup d'or de Balolé ní ọdún 2019. Eré náà dá lóri ìfipáyí ètò ìṣèjọba tí ó wáyé ní ọdún 2014 àti àwọn ipa tí ó là lára àwọn òṣìṣẹ́ Balolé Quarry.[5] Eré náà gba àmì-ẹ̀yẹ ti eré ìrírí tí ó dára jùlọ níbi ayẹyẹ Panafrican Film and Television Festival of Ouagadougou.
Àṣàyàn àwọn eré rè
àtúnṣe- 2012: Sur les traces de Salimata
- 2014: Farafin Ko
- 2017: France-Aurevoir, le nouveau commerce triangulaire
- 2019: Le Loup d'or de Balolé