Èdè Abínibí

Ede Abinibi

N ò réni tó fèdè elédè ronú rí
Àfi ti wa
E wo gbogbo àwon ìlú ńlá
Àwon ìlú kàǹkà-kàǹkà
Ní gbogb ayé yíká kódà tée délèe Kùsà 5
Irú èdè wo ni wón fi ń kómo?̣
Èdèè-bílèe wón ni wón ń lo
Wón sì ti digi osè, wón ti dàràbà
E wAmerika, e wo Rósíà, ké e wáá wòlú Èèbó
E ó ri pédèe won ni won fi ń ronú 10
Ni wón fi tóbi
Sùgbón bíi tèmi tìre kó
Ká tóó pèrò ní Yoòbá
Ká tóó yí i sÉèbó
Gbogbo tepotiyọ̀ inú ọ̀rọ̀ 15
Ti gbákúla
Bóo la se lé fèdè elédè ronú jinlè
Wón fomo odún méta sílé èkó
Pé ó máa ko Faransé, ó máa kÉèbó
Ó se, omó gbó Faransé díè, ó gbÉèbó díè 20
Torí pó jómo-on Yoòbà
Ó fi Yoòbá sàbùlàa won
Òró di sákálá sokolo sòkòlò sákálá
Ó ń relé kò délé
Ó ń roko kò délé 25
Àfóòfótán ojú a sì dásòólè
Àdàlú èdè a fa hówùhówù dání
Omo ò ní í lè dánú olóódoó rò
Ohun a bá so fún un náà ní ó so padà bí ayékòótó
Omo a délé 30
A ní ‘Dádì, Yò bíládù fuù’
Kò kúkú gbó, kò yé e páà
Wón ti ní bí wón se ń so
Séni tó se un tí ò dáa nù un
Omo o sì mò péyìí yo bàbá òun sílè 35
Bákan náà ni gbogbo èèyàn sorí lójúu won
Won a kéyelé pò mádìye bó se wu wón
Won a kó terú tomo tìwòfà pò
Sé kò kúkú sówò nílúu won
Ko sagba lómo ajá, àkóbí ajá, abíkéyìn béè 40
N náà ni awon omo naa yoo se
Ajísebí Èkó, Èkó ní í kúú sí
Èyí tí ò yé won
Po jèyí tó yé won lo
N ò kúkú ráwon omo báwí ní tiwon 45
Ohun a fi kó won ni wón gbà
Wón ní amúkùn-ún, erù ré wó
Ó ni e ò wòsàlè
Mo ń bá ògá ilé ìwé pàtàkì kan
Fòrò jomitoro òrò ńjó kan 50
Ògá yìí kàwé a ò rírú e rì
Ìwé tó kà tó bàmbà bamba
Mo ní ‘Ògá, e bá n parí òwe yìí
Edákun e fiyè dénú’
Mo ní 55
‘Òní, àgbé pokó mó
Òla, àgbé pokó mo’
Wéré, Ogá ti kó sí mi lénu
Ó lóun ti mò yóókù
Kí n máà déènà penu 60
Ó ní
‘Lótùn-ún-ùn-la, àgbè á gbókó ńbi ó fi pamó sí
À bé è réèmò, èyàn èèyàn-àn mi
Èèmò lu kutu pébé tan
Ó tún lu pèbé pèlú è 65
Àgbàlagbà ló se báun parí òwe
Ta ni ò mò péparí òwe ùn ni pé
Ojo tókó ó pàgbè mó ń bò
Táriwó á so
E jòwó, e má se fojú òpè wògá 70
Òpò ló ń pòwè Láwúwo
Tó se bí gidi làwón ń se
Ení jìn sí kòtò
Ló dá lésè
Ení forí tì í dópìn-in 75
Àfàìmò kó mó daláàrúù
Nnkan àrà gbáà
Omo Oòdùa ò fálà fédèe rè mó
Èdè tó ládùn tó yìí
Le fowó òsì tì dànù 80
Níbi orirí ti ń sunkún ilé
Tówìwí ń sunkún àtibò oko
Ibè le ti ta won-nle
Tèdè elédè
A wí tán 85
Wón lédèe wa ò kún tó
Wón lósàn tó wò tí ò dùn
Bí ò kúkú wò, ó tó
Kí làǹfààni olówó tí kò níyì?
E sé, a dúpé 90
Ó tán n bó kù?
E máa pónró ńbíbà
E máa so tiyín di sáré pegbé
Ilé eni lèmí mò pónà pèkun sí
Wón ní sòkòtòo Yoòbà ò balè 95
Wón ní bá a gbá a létí
Tá a kàn án ńkòó
Tinú è ni yóò se
E kú isé
Èyin ologbón, èyin òmòràn 100
‘Òmòràn tí í mo tinú ìgbín nínú ìkarahun’
Wón ní bá a bá ń fi Yoòbá kékòó
A ó ti se pògòrò òrò tí ń be ní sáyéǹsì?
A ó ti se pojíbírà àti joméńtìrì?
A ó ti se poósínjìn? 105
A ó ti pe kábóńdàosàìdì?
Ti pai-áárú-sukuàdì ń kó?
Sùgbón gégé bí mo se so sáájú
Èyí tí ò yée yín
Pò jèyí tó yée yín lo 110
Tá ni ò mobi tóbìn-in fi ń tò?
Tée ní ó kòdí sígbó
Ó joun pé ò mohun tédè ń jé
Ló jé e móon sò yú-ùn
Àìmòkan, àìmòkàn 115
Ló kúkú n báayín-ín jà, o jàre
E kò mò pé
Bí gbogbo omo káàárò o ò jíbí?
Bá pé báyìí la ó máa pé nǹkan-an wa
Òyìyè tí ń yè é ò sí 120
Báyìí là ń se ńlèe wa
Èèwò ibòmín-ìn
Bá a bá so pé
Báyìí la ó mó on poósínjìn
Tá a sì fún kábó-ńdà-osàìdì lóóko 125
Tá ni yóò ya sùtì ètè
Tí ó so pé Sàngó ò ponmo-on re?
E tilè so pé Yoòbá ò kún tó
Ǹjé èyín mò pé
Se lèdèé mó-on ń dàgbàá sí i 130
Ó dàbí aso
Tokan gbó tá a mú mí-ìn
Èyin ti lo sápótí ìsúra
Ké e wá à won èdè té e ti pa tì
Ké e mú nínú-un won 135
E fi fáwon nǹkan wònyí lóóko tuntun
Bá a tilè sì ta á bó tì
Kì ló so pé á mó lo sédè mí-ìn
Loo yá oóko tá a ó máa pohun tuntun
Púpò nínú Èèbó té è ń wò un 140
Ara èdèe won kúkú kó nísèǹbáyé
Mímú ni wọ́n mú láti ara èdèe Látín-ìn-nì, Gíríìkì àti Hébéérù
Kò sóròò Matimátíìkì kankan ni Èèbó
Tí kì í sèdèe Lárúbáwá ló ti wa 145
Tá ni Lárúbáwá wáá sun mó jù nínú àwa àti Èèbó?
Bóo ni tèmi tìre ti wáá jé
Omo ìyáà mi?
Ohun tí ò sì yée yín ni pé 150
Òpò èdè ló sáà ti wo tiwa
Tí kò sì se wá ni háà!
Bóyá o ti gbàgbé àwon òrò
Bí ‘àlàáfíà’, ‘àlùbáríkà’ àti ‘Dàńsíkí’
Tí wón tinú Haúsá di ti wa 155
N ò sèsè lè so tÈèbó
Ìyún-ùn pò bíi kàasíǹkan
Kí ló dé tá a tepele mó yìí
Ká fóhun gbogbo lórúko
Kó di ti wa?
Bóya ògòrò èdè
Tó wà ńlèe wa
Ló ń ko yín lóminú
Pé bí Haúsá bá ń fi ti è kómo
Tí Íbò ń se bákan náà 165
Ìgbà wo lòròo wa
Ò ní í dàbí ilé gígaa Bábéélì?
Ìdáhùn síyún-ùn-ùn ò le, òrée wa
Bóko ò jìnà, ilá kó tì
Orin tí kò sòro í dá 170
Kì í sòro í gbè
Bá a bá so pé ìsá ǹsalùbó
Peerepe sì lègbèe rè
Ìjà ò sí ńsóòṣì
Sàdúrà n sàmín ni 175
Bí Íbò bá ń fèdè abínibí kómo
A ó tún rò ó kó dákun fiyè dénú
Kó fòkan nínú Haúsá tàbí Yoòbá
Kómo náà pèlú
Bí Yoòbá bá ń lo tirè 180
A óò ní kó fi òkan
Nínú Haúsá tàbí Íbò kún un
Bá Haúsá náà sì ni
Yóò fi òkan nínúun
Yoòbá tàbí Íbò tì í 185
Kò ní í pé, kò ní í jìnà
Tá a ó fi máa gbóraa wa
Lágbòóyé
Ìyún-un ni pé
A fewé àdúgbò kàgbo omo 190
Gbogbo rè a sì kú dùn-ún-ùn
Bí ojú tó ti kékeé fọ
Sé tójú bá ti kékeé fó
Se ní í kú mòràn-ìn moran-in
Òròo wa a sì dayò 195
À sì fopé fÓlúwa
A kúkú mọ̀ pédèe wa è é jé béè
Àwa la tajà eèpè
Tá a ń gbowó òkúta
A ko fìlà fún wèrè 200
Wèrè sì féé lo fìlà gbó
N ò kúkú bá won wí
Àbí ta ni a ó gbókó fún
Tí ò ní í roko sódò ara è
Àsá ló sì ń mádìyee wa sòle 205
Òjò ló sì ń pàyèrèpè lówó
Tó fi deni àkolù
Kì í sì í règà títí
Kómó inú rè má gbòn lebelebe
Yóò balè yóò balè 210
Ni labalaba fi ń wogbóó lo
Bí wón se ń dìrò mápáá tó
Apáa won ò kúkú ní í kápá
Bí wón dìrò mọ́gi osè
Apáa won ò ní í kósè 215
Òjò iwájú ì í pahun
Gbogbo epe tí a bá se lu Onítibí
Ara ní í fi í san
Ológbò o ní í fìgbà kan kúkú ìwò sílè
Ìjímèrè ò ní í bá won kúkú òwòowòó 220
Èdèe Yorùbá ò ní í kú mó wa lójú
E dákun, e sàmín è.

Àyọkà yìí tàbí apá rẹ̀ únfẹ́ àtúnṣe sí.

Ẹ le fẹ̀ jù báyìí lọ tàbí kí ẹ ṣàtúnṣe rẹ̀ lọ́nà tí yíò mu kúnrẹ́rẹ́. Ẹ ran Wikipedia lọ́wọ́ láti fẹ̀ẹ́ jù báyìí lọ.