Òkè-Ìmẹ̀sí

Ìlú Òkè-Ìmẹ̀sí jẹ́ ìlú kan lára awọn ìlú tí ó korajọ pọ̀ di ìjọba ìbílẹ̀ Ìwọ Oòrùn Èkìtì LGA ní Ìpínlẹ̀ Èkìtì. Wọ́n fi léde wípé iye àwọn ènìyàn tí wọ́n jẹ́ olùgbé ìlú náà jẹ́ ẹgbẹ̀rún lọ́nà ọgbọ̀n( 30,000).

Bí ó ṣe tó

Ìlú Òké-Ìmẹ̀sí wa ní Ìpínlẹ̀ Èkìtì ní apá ìwọ̀ Oòrùn ilẹ̀ Nàìjíríà. Òké-Ìmẹ̀sí tó 7.82° ìbú ní apá Gúsù nígbat tí ó tó 4.92° òró ní apá Àríwá tí ó sì tó 541 fífẹ́ ní iye. Ìkóró-Èkìtì àti Ìjerò-Èkìtì ni ó pààlà pẹ́lú Òké-Ìmẹ̀sí ní apá àríwá nígbàtí òun àti Ẹfọ̀n Alààyè pààlà ní apá ìwọ̀ Oòrùn, ní apá Gúsù ni Ìmẹ̀sí-Ilé wà sí Òké-Ìmẹ̀sí, tí ìlú Òké-Ìmẹ̀sí sì pààlà pẹ̀lú àwọn ìlú bíi: Ẹ̀sà-Òkè àti Ìpínlẹ̀ Ọ̀ṣun. Bí ìlú náà ṣe ní òkè àti pẹ̀tẹ́lẹ̀ ní ó jẹ́ kí ó dùn ún wò ati láti lọ síbẹ̀ gẹ́gẹ́ bí àyè ìgbafẹ́. Bákan náà ni ọyẹ́ tí ó ma ń mú níbẹ̀ ní àsìkò ọyẹ́ ma ń tutù mọ́ni fẹ́ẹ́rẹ́fẹ́ ni. Àwọn ilẹ̀ ibẹ̀ gbogbo ni ó jẹ́ ilẹ̀ ọlọ́ràá fún nkan ọ̀gbìn, bákan náà ni àwọn ohun alùmónì oríṣiríṣi sòódó síbẹ̀.

Ìtàn ìlú Òké-Ìmẹ̀sí

Gẹ́gẹ́ bí a ti mọ̀ wípé gbogbo ọmọ káàrọ-oò-jíire ni wọ́n ṣẹ̀ wá láti Ilé-Ifẹ̀ gẹ́gẹ́ bí orírun baba-ńla wọn, bá kan náà ni ti ìlú Òké-Ìmẹ̀sí rí. Mọ̀lẹ́bí àti ìbátan kan náà ni Ìlú Òkè-Ìmẹ̀sí, Ìmẹ̀sí-Ilé àti Ilé-Ifẹ̀. Ọba àti aláṣẹ pátápátá ti ìlú Òkèmẹ̀sí ni wọ́n ń pè ní Ọwá Oòyè ti ìlú 'Òké-Ìmẹ̀sí'. Orúkọ ọba tí ó wà ní orí àpèrè àṣẹ lọ́wọ́lọ́wọ́ ni Ọba Gbádébọ̀ Adédèjì

Àwọn lààmì-laaka ènìyàn láti ìlú Òké-Ìmẹ̀sí

• Rẹ̀mí Adédèjì, ònkọ̀wé ọmọ bí ìlú Òké-Ìmẹ̀sí tí wọ́n bí ní ọdún 1937.
• Kọ́lá Ògúnmọ́lá, gbajú-gbajà ònkọ̀tàn eré sinimá Yorùbá tí wọ́n bí ní ìlú Òké-Ìmẹ̀sí ní ọdún 1925